LEGAZPI CITY — An paglangkaw kan sweldo kan mga empleyado sa Bicol an saro sa primerong isyu na tutukaron sa papaabot na wage consultation meetings kan Department of Labor and Employment (DOLE) sa paagi kan Regional Tripartite Wages and Productivity Board (RTWPB) sa rehiyon.
Segun ki DOLE Bicol regional director asin RTWPB chair Atty. Ma. Karina Perida-Trayvilla, naka-sechedule an wage consultation kada probinsya sa magkakabulagang petsa sa bulan nin Abril na papartisiparan kan labor and management groups.
Saro suboot na requisite an public wage consultation sa pag-aram kun kaipuhan an paglangkaw o dae kan presenteng minimum wage.
Kumpwesto an RTWB nin duwang representante hale sa labor and management na pinamamayuhan kan DOLE Regional Director asin kan Regional Directors kan Department of Trade and Industry (DTI) asin National Economic Development Authority (NEDA).
Segun man ki DOLE Bicol asst. regional director Rovelinda A. Dela Rosa, gigibuhon kan ahensya an mahewasang adbokasiya dapit sa wage consultation ngane na masiertong makukua an an mga isyu dapit sa sweldo.
