LEGAZPI CITY — Dae pa enterong nakakarekober an provincia kan Albay urog na an mga nasa tercer distrito sa nagin panrarapado kan bagyong Nina kun kaya apektado magin an produksyon kan niyog.
Sa intrevista kan Bombo Radyo Legazpi ki Alvin Trespeces, Division Chief 1 kan Philippine Coconut Authority Bicol, aminado ini sa mga nanonotarang paglangkaw kan presyo kan niyog sa mga merkado.
Dugang pa digdi an mga darakulang koprahan na nagbabakal kan whole nut sa mga paraoma.
Piglalaoman an pagpapadagos kan sitwasyon hasta sa pagtatapos kan bulan kan Agosto.
Mientras tanto, kontrolado naman suboot an problema sa mga peste sa niyog o cocolisap na enot nang naglakop sa nagkapirang niyog sa ciudad kan Legazpi asin banwaan kan Guinobatan.
Alagad, segun ki Trespeces, posibleng maglala giraray an problema kun magbisita giraray an mga kalamidad.
