Pigsierto kan Department of Public Works and Highways (DPWH) na padagos sindang magibo nin paagi nganing mapakarhay an framework sa paglalatag kan mga budget kan ahensiya sa mga masunod na taon.
Sa sarong forum, pighayag ni DPWH Secretary Vince Dizon na dae ninda gagamiton an formula ni dating Undersecretary Catalina Cabral na igwang mga allocable asin non-allocable na pig-aapod sa pondo.
Sigun ki Dizon, alagad maski dati nang polisiya kan gobierno an pagtukoy sa prayoridad na infrastructure projects komo polisiya dae man nagigin consistent an implementasyon kaini.
Sa presente isinasapinal na suboot an bago asin mas simpleng budgeting asin infrastructure budget allocation framework na gikan sa konsultasyon sa civil society groups, pribadong sektor asin business organizations.
Enkaso mabilog, ipepresinta ini ki Presidente Ferdinand R. Marcos Jr. asin sa Department of Budget and Management nganing maaprubahan.
Enot na man na sinabi ni Navotas Rep. Toby Tiangco sa kaparehas na forum na handa sindang magserbeng sponsor kan prosopwesto para sa paglalatag kan framework sa budgeting process
 assured that it will continue to work to improve the framework for allocating the agency's budgets in the coming years.){kind=link}