LEGAZPI CITY – Gigibuhon bilang pagtaong honra sa namaaram na Albay 1st District Representative Edcel Lagman an ibinaba na kasuguan kan gobierno Provincial kan Albay na ilaag sa half-mast an bandera sa mga opisina kan gobierno.
Marurumduman na kinumpirmar kan nakaaging aldaw kan pamilya Lagman na binawian na nin buhay an batikang lehislador.
Segun ki Albay Acting Governor Glenda Bongao sa intrevista kan Bombo Radyo Legazpi na mas pinili ninda na magpoon sa maabot na lunes hasta sa Pebrero 7 na pag half mast para sa gabos na opisina sa enterong provincia nganing magtao nin pagpupugay sa saiyang legasiya asin pakikidumamay sa pamamaaram kan nasabing mambabatas.
Maabot suboot an bangkay ni Lagman sa maabot na domingo sa Daraga airport asin idederetso sa saiyang residensya sa Bacacay, Albay.
Historya kaini na poon pa kan 1998 an nagin kaiba niya si Lagman sa pagtatao nin serbisyo sa publiko asin nagtindog ini bilang ama kan saindang partido.
Pigtaram pa ni Governor Bongao na abangan na sana an anunsyo kan pamilya Lagman mapadapit sa detalye kan pagdara kan bangkay kan namaaram na lehislador sa provincia.
