LEGAZPI CITY – Pwede ng online an pagkua ngunyan nin Theoretical Driving Course kan mga mawot na mag-apply nin driver’s license sa Land Transportation Office.
Sa intrevista kan Bombo Radyo Legazpi kay Land Transportation Office Bicol Regional Director Francisco Ranches Jr., base sa bagong kasuguan na ipinaluwas kan ahensya, mas pinasimple asin pinadali na sana an pagkua nin theoretical driving course na dae na kaipohan pang personal na atindiran kan mga aplikante.
Kaipohan na sanang magpasiring sa website kan Land Transportation Office, magpili sa mga accredited na online driving school.
Online naman an pagbabayad kan fee asin pag-atindir sa mga seminar na magdudurar nin nasa 16 na oras.
Oras na matapos na an online theoretical driving course, pwede ng makapag-eksam online asin sa email naman ipapadara an certificate of completion na ipapahiling sa pag-apply nin student license.
Obheto kan lakdang na mapadali asin maging mas simple an pagkua nin driving course kan mga Pilipino lalo na sa mga pigkakapos nin oras huli sa saindang pag-aadal asin mga trabaho
