LEGAZPI CITY – Nagpagirumdom an Albay Schools Division Office sa mga eskwelahan mapadapit sa pagkokondusir nin 2026 end of school year rites.
Segun ki Albay Schools Division Office Spokesperson Froilan Tena sa intrevista kan Bombo Radyo Legazpi na dapat ikondusir an end of school year rites nin makabuluhan alagad simple urog nang may tensyon sa Middle East na nakaka-apektar sa mga presyo kan mga pangenot na produkto sa Pilipinas.
Mahigot man nindang pigpapa-otob an no collection policy asin magsagibo sana suboot nin completion asin graduation rites na nasususog sa saindang nakakayanan.
Bilang makatipid sa kuryente, pwedesir na pahalikputon an durasyon asin amayan an pagpopoon kan programa nganing dae na kaipuhanan nin ilaw asin dapat repasuhon an mga kaipuhan talagang gibuhon sa mga naunambitang rites.
Naglalaom man an opisyal na wara sindang mareresibing reklamo manungod sa pagkokondusir nin mga end of school year rites na nasususog sa pinag-olayan sa meeting kan mga eskwelahan.
Sa presente pighahalat na nindang magsumiter an mga eskwelahan kan mga listahan kan mga completers asin graduates nganing madeterminar ninda kun pira an kabilugang numero kan mga matapos sa saindang pag-aadal.
Pagirumdom man kan opisyal na mag-ingat sa pagkokondusir nin completion asin graduation rites ngonian na padiit-diit nang namamatean an mainit na panahon.
