LEGAZPI CITY- Klinaro ni Catanduanes Governor Boboy Cua na warang kinaaraman sa politika an pagkakaimbwelto asin pormal nang pagsusunad nin kaso sa 12 pang mga indibidwal na ipigkokonektar sa pagko-construir asin operasyon kan nadiskubreng shabu laboratory.
Tinawang-duon kan gobernador na katotoohan sana an mga nangyayari asin bako huli sa politika.
Liwat man kaini na ipinagirumdom sa publiko na bako pa siya an namamayo sa provincia sa peryodo kan konstruksyon kan nasabing pasilidad.
Mawot man kaini na malinawan na sa urog na marekas na panahon an iba pang detalyes sa kontrobersyal na shabu lab kun saen bako man suboot hale sa Bilibid an iligal na droga sa Bicol alagad yaon palan an mismong produksyon sa rehiyon.
Kasuodma kan maibuyagyag an mga bagong pangaran na napasabay sa amended complaint kan PNP kaibanan na sinda dating NBI Director Atty. Eric Isidoro asin agom kaini na si Angelica Balmadrid Isidoro, Atty. Ulpiano Sarmiento III, dating Caramoan, Camsur mayor Constantino Cordial, Jarden Brian Wong asin Board Member Joseph Al Randie Wong, , Raymond Lee, Snookie Imperial, Xian Xian Wang, Pido Bonito, Noel Sampag, Mr. Lee asin Allan Ang Hong.
