Nagtutubod si dating presidential spokesperson Atty. Salvador Panelo na magreresulta sa dagos na pagkakabuwag kan International Criminal Court (ICC) an paghali kan mga nacion na miyembro kaini.
Ini an kasunod kan ipiglansar kan Estados Unidos na “whole-of-government campaign” ngani na pwersahon an ibang mga nacion na maghali sa ICC, huli sa huma suboot kaini sa pambansang soberaniya.
Suportado man ni Panelo an ipiglansar na kampanya kan administrasyon ni U.S. President Donald Trump ngani na buwagon, i-isolate, asin halian nin suporta an international tribunal.
Segun sa dating government official, panahon na ngani na mapundo an pambu-bully kan ICC.
Tinawan duon ni Panelo na an pigigibong pag-usig kan ICC sa mga nacion na bako man miyembro kaini siring kan Pilipinas asin Amerika, an sarong iligal asin panghihimasok na aksyon.
Mientras tanto, duministansya man an gobierno kan Pilipinas sa lakdang na ini kan Amerika.
