LEGAZPI CITY – Itinuturing ng isang political analyst ang pagtatalaga ni Pangulong Ferdinand Marcos Jr. kay Justice Secretary Jesus Crispin “Boying” Remulla bilang bagong Ombudsman ay upang matiyak na ang kanyang kaalyado ay uupo sa makapangyarihang mga posisyon sa gobyerno.
Ayon kay Bicol University-Political Science Department at Far Eastern University Prof. Amr Solon Sison sa panayam ng Bombo Radyo Legazpi, maaaring planado ang pagtatalaga kay Remulla upang matiyak ni Pangulong Marcos ang kanyang layunin sa kabila ng marami ang nagpahayag ng pagkabahala sakaling ang Justice Secretary ang mahalal sa posisyon.
Nais niyang panagutin ni Ombudsman Remulla ang mga opisyal ng gobyerno na nakagawa ng krimen lalo na ang mga nagnakaw sa pondo ng mamamayan upang mabigyan ng hustisya ang ordinaryong Pilipino.
Aniya, kung titingnan ang pamumuno ng opisyal sa Department of Justice gayundin ang kanyang background, masasabi niyang qualified siya bilang bagong Ombudman at alam niya kung paano hahawakan ang opisina.
Naiintindihan din ng political analyst ang pagkabahala ng ilang Pilipino sa pagkakatalaga kay Remulla dahil sa pakikipag-alyansa nito sa Pangulo na ginagamit sa political clan na isa sa mga problema sa pulitika ng Pilipinas.
Binigyang-diin din niya na dahil mistulang special prosecutor ang posisyon ni Remulla, dapat na lumayo siya sa tradisyunal na cycle ng pulitika sa Pilipinas dahil papanagutin niya ang matataas na opisyal ng gobyerno kaya dapat niyang panatilihin ang pagiging walang kinikilingan para magkaroon ng tiwala sa kanya ang taumbayan.
Nakikita rin ni Sison na maaaring mabuksan ng pagiging Ombudsman ni Remulla ang pagtalakay sa impeachment case ni Vice President Sara Duterte lalo pa’t inihayag nito na bubuksan niya ang isyu ng confidential funds ni Vice ngunit maaaring magbago ito depende sa takbo ng kanyang pamumuno.
