LEGAZPI CITY — Idinepensa kan sarong pageant analyst an pagkahilig kan mga Pilipino sa mga beauty pageants partikular na sa mga nagtataram na nagpapababa ini kan moralidad kan mga kababaihan.
Sa ekslusibong intrevista kan Bombo Radyo Legazpi kay Missosology founder Ric Galvez, bako na bago an mga siring na pagtuyaw sa mga beauty pageants puon pa kan s1960s.
Segun ki Galvez, imbes na magpababa sa paghiling sa mga kababaihan, pigpapalangkaw pa kan kompetisyon an estado kan mga kababaihan na pighihiling bilang modelong dapat na arugon kan iba.
Dugang pa kaini na nagkakaigwa man nin women empowerment sa mga beauty pageants urog pang nagagamit man ini sa pag-pursue kan iba pang career siring na sana ninda Miss Universe 1969 Gloria Diaz na naging aktres asin Miss Universe 1973 Margie Moran na naging businesswoman.
Mientrastanto, pig-aantabayanan man ni Galvez an mga bagong modelo kan kababaihan na kokoronahan sa Binibining Pilipinas 2018 Grand Coronation Night sa Smart Araneta Coliseum sa Marso 18.
