Nagbaba nin 3.6% an net external liability kan nasyon hale sa P3 trillion kan first quarter kan 2024 pasiring sa P2.9 trillion sa 2nd quarter 2024 huli sa mas halangkaw na net external asset kan Bangko Sentral. Alagad diit na pinugulan kaini kan paglangkaw kan net external liability.
An net financial liability an naglangkaw nin 3.4% quarter-on-quarter pasiring sa P10.2 trillion hale sa P9.9 trillion.
Ini an dara kan karagdagang pondo hale sa mga foreign source asin pagbaba kan deposito kan sektor sa Bangko Sentral.
An net financial liability kan mga non-financial corporations an nagkewas nin 2.3% pasiring P9.8 trillion hale sa P9.5 trillion, pangenot na dahilan kaini an huli sa paglangkaw kan utang sa mga depository corporations asin pagbaba kan deposito sa mga bangko.
An net financial asset kan mga sambahayan an naglangkaw nin 1.3% pasiring P14 trillion hale sa P13.8 trillion dara kan pagtaas kan deposito sa mga bangko asin mga investment sa mga equity asin investment fund shares.
An net financial asset kan ibang depository corporations an naglangkaw nin 12.7% pasiring sa P1.6 trillion hale sa P1.4 trillion, alagad nagbaba sa taon-taon na base huli sa pagtaas kan deposit liabilities sa mga sambahayan.
An net financial asset kan Bangko Sentral an naghewas nin 28.6 porsyento pasiring sa P1.2 trillion hale sa P1 trillion huli sa pagtaas kan investments sa mga debt securities kan mga dayuhan asin deposito sa mga foreign banks.
