LEGAZPI CITY-Ipighayag kan sarong Ekonomista na bako bastante an paghihingoa kan gobierno ngani mapugulan an padagos na paglangkaw kan inflation rate sa nacion.
Segun ki Economist asin CPA, Dr. Emmanuel Onsay, sa intrevista kan Bombo Radyo Legazpi na pinaka-kaipuhan ang pagbabantay sa iba pang mga commodity groups asin inputs sa produksyon kaini ngani makapag-produsir nin iba pang mga produkto.
Paliwanag ni Onsay na an mga sangkap o mga primary goods naglalangaw nin presyo kun kaya an pinal na commodity inputs kaini naghahalangkaw man.
Kabale sa mga primary goods na ini an langis, na enkaso maglangkaw ini, mahalangkaw man gabos na commodities, arog kan bagas asin paroy.
Siring man an kuryente na pirmihang piggagamit para sa iba pang commodities arog kan mga negosyo, kun kaya dapat binabantayan an tulos na paglangkaw kaini.
Nagpatanid man an Ekonomista na dapat magtabangan an gabos na sangay kan gobierno ngani matugunan an paglangkaw kan inflation sa nacion.
Dagdag pa niya na igwang sala sa ekonomiya kan nacion, huli ta bako sana dapat unemployment asin inflation an dapat tutukan, kundi an iba pang factors na nakakaapektar sa duwang variables na ini.
Bako man suboot directly proportional an pagdakol kan mga indibidwal na warang trabaho asin an paglangkaw kan inflation rate, kaya negatibo an epekto kaini sa mga namamanwaan.
Nagpagirumdom man siya sa mga konsumidores na an pagbawas sa pagbabakal kan mga bagay na dai tigagamit, an nakakadagdag suboot sa pagbaba kan inflation rate sa nacion.
