LEGAZPI CITY-Pighayag ni Palace Press Officer Usec. Claire Castro na maipapahiling ni VP Sara Duterte an saiyang kakayahang simbagon an mga paratang asin hampangon an mga testigo kun siya personal na maatendir sa impeachment trial sa Senado.
Segun kay Castro, magiging pagkakataon man ini ngani mapatunayan kan kampo kan Bise Presidente an saiyang pagiging inosente, kun ini an saindang paninindugan.
Dagdag pa niya na mas marhay na maipahiling ini bako sana sa mga Pilipino kundi magin sa bilog na kinaban.
Naenot nang ipigsugo kan Senado si VP Sara na maghampang nin personal sa paagi kan saiyang kanyang abogado sa pagbubukas kan impeachment trial sa Hulyo 6.
Piglalaoman na matatalakay sa paglilitis an manlain-lain na articles of impeachment na isinangat laban sa saiya.
Mientras tanto, sinabi ni Castro na iginagalang kan Malacañang an magiging proseso kan Senado bilang impeachment court, asin nasa kamot na kan depensa asin prosekusyon an saindang magigingestratehiya sa paglilitis.
