LEGAZPI CITY- Inako kan liderato kan Philippine Drug Enforcement Agency (PDEA) Bicol na dakulang “sampal” sa intensibong kampanya kontra sa iligal na droga an pagkakaimbwelto kan sarong halangkaw na opisyal kan ahensya sa transaksyon.
Kun babalikan, mismong si PDEA chief D/Gen. Aaron Aquino an naghayag na tinangkas si Director III Ismael Fajardo bilang OIC Deputy Director General for Administration sa pagdangog kan Committee on Dangerous Drugs asin Government and Public Accountability sa Kamara, huli sa pagkakaimwelto kan pangaran sa pagpapalusot kan P6.8 billion shabu shipment.
Sa ekslusibong intrevista kan Bombo Radyo Legazpi ki PDEA Bicol Director Christian Frivaldo, makulog isipon na garing naitapok sana an gabos na accomplishment kan ahensya en kaso maprobarang may probable cause an alegasyon.
Pigsusuportaran man suboot kaini an lakdang na maikarsel o mahale sa posisyon an mga tawong imbwelto sa illegal drugs dawa halangkaw pang opisyal.
Katakod kaini, inasegurar ni Frivaldo na padagos man an ipigsasagibong internal cleansing sa ahensya mientras na nagpromesang personal na masunad kan administrative and criminal charge sa siisay man na personahe na maaaramang nakikinabang sa iligalidad.
Pigpapakusog naman an counter-intellience sa erring officers na nababanggit sa kada provincia sa tabang kan National Bureau of Investigation (NBI) asin Armed Forces of the Philippines (AFP).
