LEGAZPI CITY- Mawot kan nagkapirang grupo nin mga paratukdo na dagos ng maisakatuparan an plano kan Department of Education na mabawasan nin labi sa 50% an paper works kan mga paratukdo.
Ini an ngani na mapagaan an trabaho kan mga paratukdo sa nacion na naapektaran suboot kan dakol na mga administrative tasks.
Segun ki Teachers Dignity Coalition Chairman Benjo Basas sa intrevista kan Bombo Radyo Legazpi haloy ng igwang mga kaparehong pronouncement an ahensya alagad hasta sa ngunyan an dae man liwat nao-otob.
Hagad kan grupo na ma-materialize an nasabing plano kan ahensya sa paglaog kan panibagong school year sa Hunyo.
Paliwanag kan opisyal na sa paagi kaini, mas makakapag taong atensyon an mga paratukdo sa saindang primary task na pagtutukdo sa mga kaakian.
Alagad aminado si Basas na kasabay kan nasabing plano an pangangaipo nin mas dakulang programa siring na sana an hiring nin dugang na mga personahe para sa nasabing mandato.
