LEGAZPI CITY — Dae naibitaran na magpahayag nin pagkadismaya kan Philippine Institute of Volcanology and Seismology (Phivolcs) central office sa panibagong nairehistrong panghahabon kan mga instrumento na pigagamit sa pagmonitor sa mga aktibidades kan Bulkang Mayon sa Albay.
Magigirumduman na kaibanan sa mga nalalay kan suspek an solar panel asin duwang heavy duty maintenance-free deep cycle batteries hale sa observatory sa southeastern side kan bulkan.
Sa ekslusibong intrevista kan Bombo Radyo Legazpi ki Phivolcs Dir. Renato Solidum, bako suboot ini an enot na bes kan nairehistrong panhahabon kan ekipahe alagad pauro-utro na man na nangyayari.
Pagtataong-duon pa kaini na bako sana concern kan saindang opisina an isyu kundi kan gabos na tawong nakapalibot sa nasabing bulkan.
Katakod kaini, kinakaipuhan suboot na maghalat kan mga Albayano sa bidding asin proseso sa pagkua kan mga gamit na pigi-import pa kan nacion mantang inako na posibleng magkaigwa nin data gap.
Mientras tanto, pinag-aadalan na an paramientras na aksyon sa pagbabantay sa bulkang mantenido sa abnormal na lebel sa pagkahandal na mas dakol pang buhay an maikakaag sa alanganin huli sa nasabing pangyayari.
