Ipigpaubaya na ni Presidente Bongbong Marcos sa mga lokal na gobierno o LGU an konstruksiyon kan mga classroom sa bilog na nacion imbes na sa Department of Public Works and Highways (DPWH).
Segun ki Palace Press Officer Claire Castro, ididiretso na an pondo sa mga LGU nganing maparikas an pagtugon sa classroom shortage.
Sinabi pa ni Castro sa irarom kan nakaplanong memorandum of agreement, itatao an pondo para sa mga LGU nganing ipaotob an konstruksiyon mantang an DPWH asin Department of Education an mangangasiwa asin ma-monitor kan proseso.
Segun ki Castro obheto kan pinag-iba na pagsisikap kan DPWH, DepEd asin LGUs na makumpleto an nasa 2,370 classrooms.
Pigkarkulong nasa 200 classrooms an piglalaomang matatapos bago matapos an taon mantang 822 classrooms an piglalaomang matatapos sa ikaduwang quarter kan 2026.
