LEGAZPI CITY- Nakatalaan na ipaotob an panibagong mga polisiya sa ciudad kan Legazpi katakod kan implementasyon kan Smoke Free Ordinance.
Segun ki Legazpi Smoke free unit operation chief Jose Balbin sa intrevista kan Bombo Radyo Legazpi na basado sa ordinance 16-0034-2023 makakasabay an paggamit nin vape sa mga pampublikong lugar sa mga ipagbabawal sa irarom kan ordinansa.
Sa presente, mantang dae pa dagos na napipirmahan an nasabing probisyon nagpupuon muna an mga enforces sa paglilibot sa mga barangay ngani na maipaabot sa publiko an dapit sa polisiya.
Sa paagi kan pagtatao nin warning, wara na suboot na rason an mga ini na magtaran na dae ninda aram an implementasyon kan Smoke Free Ordinance.
Afuera digdi, sinabi ni Balbin na naglilibot man sinda ngani na magpatanid sa mga vape stores na harani sa mga playgrounds asin eskwelahan kasabay kan pakikipag koordinar sa busines permit and licencing office.
Tinawan duon kan opisyal na importante na mapangatamanan an salud kan mga jovenes sa peligro na dara kan paninigarilyo.
