LEGAZPI CITY- Suportado kan Parents-Teacher Association an suhestyon kan Presidential Anti-Organized Crime Commission na i-convert bilang classrooms an mga Philippine Offshore Gaming Operator hubs sa nacion.
Segun ki Parents-Teacher Associan National President Willy Rodriguez sa intrevista kan Bombo Radyo Legazpi na dakulang tabang an nasabing lakdang sa Department of Education urog pa ngunyan na dakula an kakulangan sa mga classrooms.
Alagad sinabi kan opisyal na kinakaipuhan na magkaigwa nin minimal repair sa nasabing mga pasilidad ngani na magin angkop sa pangangaipo kan mga paratukdo asin estudyante.
Paliwanag kaini na taun-taon na nadudugangan an mga estudyante kaya dakol na mga lugar sa nacion an nagta tsaga sa overcrowded na mga eskwelahan.
Basado sa kalkulasyon kan grupo na nasa P400 billion an kinakaipuhan ngani na dagos na mapunuun an kaulangan sa mga classrooms sa nacion.
Huli digdi, sinabi ni Rodriguez na dapat na masierto na an nakumpiskar na mga building asin properties kan gobierno an matanos na mapapamayuhan ngani na magin pagsadiri kan mga public schools.
