LEGAZPI CITY – Mahigot na ipinagbabawal kan konseho kan Barangay Bagacay, Legazpi City an paggamit kan mga kaakian kan ipinagbabawal na paputok partikulamente na an boga sa pagsabat kan Bagong Taon.
Segun ki Punong Barangay Dennis Alamo sa intrevista kan Bombo Radyo Legazpi na katuyuhan kan naunambitang lakdang an mairayo sa kapahamakan an saindang mga residente sa peligrong dara kan mga paputok.
Mawot nindang mamantenir an pazy orden sa pagsabat kan bagong taon arug kan saindang namatean kan pagsabat man kan aldaw kan pasko.
Nakatalaan man sindang magsagibo nin patrolya sa saindang lugar nganing sitahon an mga pasaway na dae nagsusunod sa saindang ordinansa.
Pagdoon pa ni Alamo na pigtutugutan man ninda an pagbugtak nin mga open pipe sa mga motor bilang pamparibok alagad dapat suboot an tanggalon ini makalihis an selebrasyon.
