LEGAZPI CITY — (Update) Pinagtabangan na badilon kan duwang dae pa namimidbidang mga suspetsado an nagadan na pulis na si PO1 Ruben Payadyad Jr sa kalabaan kan McKinley St., Brgy. Guilid, syudad kan Ligao.
Segun ki PC/Insp. Arthur Gomez, tagapagtaram kan Albay Police Provincial Office, base sa inisyal na imbestigasyon, isinabay an pagbadil sa biktima sa nangyaring fireworks display sa lugar kun kaya dae man nareparo kan pag-iriba kaini an pangyayari.
Apwera sa pagbadil sa parte kan lawas asin payo kan biktima, kinua pa suboot kan mga garong binatilyong suspek an armas kan pulis.
Segun pa ki Gomez, pighihiling man ninda na tibaad may kinaaraman sa droga an pangyayari.
Dakula man suboot an posiblidad na an mga katugangan sa bulod an may kagibuhan kan insidente.
Sa nagunong impormasyon kan kapulisan, may dinakop suboot na pasugalan si Payadyad asin may koneksyon suboot ini sa taas asin isinumbong sa suboot rebeldeng New People’s Army (NPA).
Apwera pa kaini, napag-araman sa ribayan nin mensahe kan pulis asin saiyang ilusyon na garong pig-iinitan suboot an biktima sa saindang barangay.
Dugang ni Gomez, pwedesir na an paparaneng anibersaryo kan rebeldeng NPA sa Marso 29 an posibleng rason sa insidente kun saen saro suboot sa mga aktibidad kan mga ini an likidahon an mga kalaban kun kaya nag-aatake ini sa mga istasyon asin army detachments.
