LEGAZPI CITY- Amay pa man antes an coronation night, inaabangan na asin kani-kaniya nang pili kan pambato an mga pageant analysts sa mag-uuli kan korona sa pinakadakulang beauty competition sa nacion, an Binibining Pilipinas 2018.
Sa ekslusibong intrevista kan Bombo Radyo Legazpi ki Missosology founder and coordinator Ric Galvez, preliminary events pa sana kaipuhan na suboot na bantayan kan mga kandidata an mga paagi para mag-standout.
Practice more sa catwalk, strong body form, wit sa pagsimbag sa mga early interviews asin nakakadarang personality an nagkapira sana sa mga factors na pighihiling suboot sa ‘crowning’ kan masunod na Miss Universe Philippines.
Aminado man si Galvez na dakulang factor man an experience asin family background urog na kun hale sa pamilya nin mga beauty queens.
Sa ibong na lado dako, dugong Bicolana man an personal choice kan pageant analyst na maako kan korona hale sa saro pang Bicolana beauty asin Miss Universe Philippines 2017 Rachel Peters.
Mientras tanto, bandang alas-7:00 atchan na banggi an mangyayaring Binibining Pilipinas 2018 Fashion Show sa Kia Theatre na parte kan preliminary events mantang isasagibo man an Grand Coronation Night kaini sa March 18, 2018 sa Smart Araneta Coliseum.
