LEGAZPI CITY- Ipig-oorgulyo kan provincia kan Catanduanes an pagkaka deklarar kan lugar bilang insurgency free.
Segun ki Catanduanes Governor Boboy Cua sa intrevista kan Bombo Radyo Legazpi na dakulang bagay ini para sa pagbebenipisyo sa promosyon kan turismo sa island povince.
Huli kaya sa magkakasunod na kalamidad na tuminama sa provincia, dae maiibitaran na naapektaran man an sektor kan turismo asin huli sa deklarasyon, pinaglalaoman na padiit-diit na makakabawi an lugar.
Paliwanag kan gobernador na high morale ngunyan an provincia asin naglalaom na mamamantnir an paz y orden para sa pagtalubo kan ekonomiya.
Aminado man si Governor Cua na bako madali an pinag-agihan kan mga otoridad asin kan gobierno provincial antes maideklarar na malaya sa impluwensya kan mga komunistang grupo.
