LEGAZPI CITY-Tinawan doon ni Batangas 2nd District Representative Gerville Luistro na an lakdang kan House Committee on Justice, bako an paglilitis ngani matukoy an pagkakasala, kundi aramon sana an probable cause sa pigkakahampang na impeachment process ni Vice President Sara Duterte.
Nilinaw ini kan kongresista kasunod kan dai pagatendir ni Vice President Sara sa pagdangog na itinakda ngonian na aldaw.
Segun kay Luistro, importanteng masabutan an limitasyon asin mandato kan Kamara sa yugto kan proseso.
Ipinaliwanag niya na an pigsasagibo kan mababang kapulungan, iyo an clarificatory hearing asin harayo mismo sa trial na pigsasagibo sa Senado enkaso mag-usad pa an reklamo.
Marurumduman na an pagtukoy sa probable cause an solamenteng batayan kan komite kun igwang bastanteng rason asin ebidensya ngani maisakat an Articles of Impeachment sa Senado, na siyang maninindugan bilang impeachment court.
