LEGAZPI CITY — Suportado kan Komisyon ng Wikang Filipino an pagbubusol na gibuhong national artist an namaaram na beteranong aktor na si Eddie Garcia.
Sa intrevista kan Bombo Radyo Legazpin ki Comm. Abdon Balde Jr., Kinatawan ng Wikang Bicol sa KWF na sa gabos na mga artista sa showbiz, kadakol na ginampanang papel si Garcia sa mga pelikula asin teleserye asin naging director man.
Saro man suboot si Garcia sa pinakadakol na naresibeng honra bilang aktor sa edad na 90-anyos asin pitong dekadang pagtetenir sa industriya.
Alagad sinabi ni Balde na kaipuhan ining i-nomina kan mga amigo asin organisasyon sa pelikula asin kasabay sa mga mapili an National Commission for Culture and the Arts, asin Cultural Center of the Philippines.
Oras na manomina, kaipuhan pa an kumpirmasyon hale ki Presidente Rodrigo Duterte.
Alagad sa ngonian, sinabi kan historian na nasasangkapan nin pulitika an kumpirmasyon.
Sarong ehemplo na suboot an kahagadan na gibuhong national artist si Nora Aunor alagad hasta sa ngonian dae pa nakukumpirma.
