LEGAZPI CITY — Pinaghandaan na marhay kan Bureau of Internal Revenue (BIR) Bicol an deadline kan pagbayad nin tax kasuudma sigon ki Regional Director Edgar Tolentino.
Ini huli sa komon na ugali kan kadaklan na tax payers na pagbayad tuyong deadline na.
Sinabi ni Tolentino na marikas na ngunyan an pag-file nin tax form sa saindang ahensya sa paagi kan Electronic Filing and Payment System (eFPS) asin Electronic Bureau of Internal Revenue (eBIR) forms.
Sa tabang kan eFPS, pwedesir na makapagfile asin makabayad nin tax sa paagi sana kan paggamit nin computer sa mga harong mantang an eBIR, iyo an para sa mga dae man nin babayadan na tax na dapat na magpasiring sa opisina kan departamento ngani na ma-receive an saindang forms.
Maski dae nin babayadan, pwedesir na magkaigwa nin penalidad para sa late filing.
Nagkakantidad na P1000 suboot an pinaka-hibabang babayadan na pig-aapod na compromise penalty na mismong an computer na an nagkwenta.
Mientrastanto, inanunsyar man ni Tolentino an deadline kan pagbayad nin Value-added Tax (VAT) na nakatalaan sa Huwebes, Abril 20.
