Sienerto kan Bureau of Fisheries and Aquatic Resources (BFAR) na warang magigin patod an pagbabarewas nin P3,000 na fuel subsidy para sa mga parasisira sa bilog na nacion nganing maprotehiran an saindang kabuhayan laban sa epekto kan tensyon sa Middle East.
Susog sa ahensya, bago pa man an kariribokan sa nasabing rehiyon na nagbabadyang magpahalangkaw sa presyo kan petrolyo, nakalatag na an saindang fuel subsidy program.
Sa presente, nag-abot na sa labi 10,000 na mga parasisira gikan sa manlaen-laeng rehiyon an nakinabang sa nasabing ayuda.
Nganing mas maparikas an daloy kan programa, nakipagkoordinar na an BFAR sa Development Bank of the Philippines (DBP) para sa tulos na pagpapaluwas kan kadugangang pondo.
Sa irarom kan Fuel Assistance Program, ang kada kwalipikadong parasisira an maresibe nin one-time na ayuda.
Ipigbabarewas ini sa paagi kan cash card o voucher, na idinisenyo nganing mas magin marikas an pagkua nin tabang, partikularmente sa mga benepisyaryong nakaistar sa mga lugar na harayo sa mga gasolinahan.
Mientrastanto, matapos an sektor kan pagsisira, kinumpirma kan Department of Agriculture (DA) na isusunod na man kan gobierno an pagbarewas nin fuel assistance sa mga paraoomang nakadepende sa paggamit nin mga makinarya sa saindang mga omahan.
