LEGAZPI CITY- Tinuyaw kan grupo nin mga paraoma an padagos na paglaog kan imported na bagas sa kasagsagan kan panahon nin anihan sa Pilipinas.
Ini makalihis an nairehistro na haros P15 na pagbaba kan presyuhan kan paroy sa nagkapirang lugar sa Luzon.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na warang limitasyon an importasyon kasabay kan baraton international prices asin hibabang taripa na pigpapataw sa imported rice.
Huli digdi, dae na suboot nakakabawi sa gastos an mga lokal na paraoma asin padagos na nalulugi huli sa baratong barakalan kan paroy.
Katakod kaini, nangapudan an grupo na matawan nin atensyon kan gobierno an nasabing angat ngani na dae man maagrabyado an mga lokal na paraoma.
Paliwanag ni Montemayor na kun mawot kan gobierno na magkaigwa nin food security, dapat na enot na pigigibo kaini iyo an pagtabang sa mga paraoma sa nacion sa paagi kan pagbakal kan paroy sa mas halangkaw na presyo.
