LEGAZPI CITY – Paramientras muna ipigpundo kan Albay Provincial Social Welfare and Development Office an pagbabarewas nin tabang asistensya huli sa pagtalima sa election spending ban kan Commission on Election.
Segun kay Albay PSWDO head Ma. Vivien Cea sa intrevista kan Bombo Radyo Legazpi na nagpoon an pagpapapundo kasabay kan pagpopoon man kan campaign perion para sa local positions.
Dae pa ninda madeterminar kun hasta nuarin an pagpapadagos an saindang pag-akomodar sa mga naghahagad nin tabang sa saindang ofisina.
Sa presente suboot natawan na ninda nin magkakanigong tabang an mga naghagad na naka schedule sa enot na kabtang kan taon.
Pighayag kan opisyal na temporamente man sana an pagpundo asin pwedesir na magbukas giraray sa pagtatapos kan pirilian.
Huli sa nasambitang ban, irerefer muna ninda an mga naghahagad nin tabang sa mga magkakanigong ahensya kan gobierno nganing makapagtao sainda nin serbisyong pighahagad kan mga namamanwaang albayano.
Paglilinaw ni Cea na diit man sana an panahon na ihahaloy kan pagsasarado kan saindang serbisyo asin pigpromesa kaining mabalik sinda sa lalong madaling panahon.
