LEGAZPI CITY — Hinigotan pa kan Masbate Police Provincial Office sa koordinasyon sa Dimasalang PNP sa pagbabantay sa seguridad katakod kan nangyaring pag-ambush ki PO1 Mark Andy LLamazares mantang lunad kan patrol car.
Sa intrevista kan Bombo Radyo Legazpi ki Masbate PPO PCR Branch Acting Chief Pol. C/Insp. Ariel Neri, nakipagribayan nin putok an ikaduwang team na pinamamayuhan ni S/Insp. Arnel Buncaras sa mga suspek na pigtutubudang miembro kan New People’s Army (NPA).
Swerte man na sa bitis sana tinamaan an pulis na nagpaparahay na sa ngonian.
Segun ki Neri, posibleng nagpapamate an mga katugangan sa bulod urog na paparani na an eleksyon.
Sa presente, mas magigin mahigot an pagbabantay kan PNP sa tabang naman kan ipigdeploy na 2,000 na personahes kan pinagsarong puersa kan Police Regional Office 5 (PRO5) asin Armed Forces of the Philippines (AFP) katakod kan pagpupuon kan kampanya sa barangay asin Sangguniang Kabataan (SK) elections.
