LEGAZPI CITY- Kathang-isip man sana suboot an ikinakahandal kan nagkapirang ciudadano dapit sa pagbabalik kan Ley Martial.
Katakod ini kan sunod-sunod na pagtataong posisyon ni Presidente Rodrigo Duterte sa mga personahes na enot nang nagsirbe sa Pwersa Armadas kan Pilipinas.
Sa intrevista kan Bombo Radyo ki Bicol University Political Science Professor and analyst Professor Alex de Guzman, ipighayag kaining dae talaga maiibitaran an pagdududa kan nagkapirang mga ciudadano dapit sa garing militarized executive.
Dugang pa ni De Guzman na bako dapat an ladong ini an hilingon sa sitwasyon kan mga ipigdesignar sa gabinete kundi an kwalipikasyon kun saen ipig-ehemplo pa kaini an paghagad ni Environment Secretary-designate Roy Cimatu nin bastanteng oras tangarig mapag-aadalan an epektibong pagmamanehar sa itinaong posisyon.
Dawa pa tinawang-duon kaini an dapot sa kapabilidad sa nakakapotang posisyon asin bako sana sa tiwala asin kumpiyansa, hagad kaini na tawanan nguna nin tsansa an mga ipigkaag sa posisyon na maipahiling an magiginibo sa nacion.
