LEGAZPI CITY – Nagpapadagos an pigsasagibong assessment kan Catanduanes Provincial Disaster Risk Reduction and Management Office mapadapit sa nagin epekto kan mga pag-uuran kan nakaaging aldaw huli sa shearline sa saindang lugar.
Segun ki Catanduanes Provincial Disaster Risk Reduction and Management Office Emergency Operations Chief Roberto Monterola sa intrevista kan Bombo Radyo Legazpi na kadaklan sa saindang nairehistrong insidente iyo an pagbabaha asin landslide.
Nagigin pahirapan man an pagbyahe kan mga behikulo sa mga apektadong kakalsadahan huli sa mga nagbaragsakan na debris sa ibong kan pigdeklara na ini komo passable o pwedesir nang agihan.
May mga report man suboot sindang naresibi na may mga residentes na nag-ebakwar partikulamente na an mga nasa flood prone areas alagad sa kagayunan an marikas man sanang naghupa an mga naunambitang pagbabaha.
Pigtaram pa kan opisyal na puga-puga na an pigsasagibong clearing operations kan mga Engineering agencies nganing malinigan an nagin epekto kan raot nin panahon na ipigkawsa sa saindang provincia.
Enkaso magpadagos an magayon na panahon an may posibilidad na tanggalon na an suspensyon kan klase asin trabaho.
Pagirumdom man ni Monterola sa mga motorista sa saindang provincia na mag-ingat sa pagbyahe huli sa huma kan mahalnas na mga kakalsadahan.
