LEGAZPI CITY—Welcome alagad may ‘caution’ para ki former ACT Teachers Partylist Representative France Castro an nagin desisyon kan Senado na babaan an voting threshold sa pag-convict si Vice President Sara Duterte.
Segun ki Castro sa intrevista kan Bombo Radyo Legazpi, na dapat sanang magsunod an mga senator-judges sa kun ano an tama huli segun sa amici curiae o “friends of the court” kun sain tulo digdi an nagsabi na pwedesir baguhon an threshold depende sa sirkumtansya.
Nararapat suboot ini huli sa kahaputan ngunyan an kun pano makakaboto an mga senador na dae nagpapartisipar sa pagdangog kan impeachment trial ni VP Sara.
Pagdoon niya na logical asin sensible an desisyon kan impeachment court.
Alagad sa ibong kaini, igwa man siyang ‘caution’ huli sa mawe-weaponize an committee side sa siring na sitwasyon huli sa pwedesir na magin basehan ini sa futuro.
Dugang ni Castro na naglalangkaw man an posibilidad na ma-convict an bise presidente huli sa nasabing desisyon.
Nagtutubod siyang dae na mababago an numero kaini huli sa nagkaigwa na nin botohan asin malinaw nang sinabi kan mga nagpartisipar na amici curiae na pwedesir baguhon an voting threshold.
