LEGAZPI CITY – Nagtutubod an sarong election watchdog na posible na nagkataon sana na nagviral an video kan pambabastos ni Pasig Congressional candidate Atty. Ian Sia asin dae pwedesir na sabihon na kasalan kan media an pagtrend kaini.
Segun ki Kontra Daya Convenor Danilo Arao sa panayam ng Bombo Radyo Legazpi na saro ining pagkakataon na nagsikat an kandidato sa salang paagi huli ta susunadan siya nin kaso kan Commission on Election afuera pa sa isusunad kan mga women’s group.
Dae siya syerto kun magigin marikas asin decisive paghiro kan ibibilog na task force kan komisyon nganing imbestigaran si Sia huli ta pwedesir na dalian an proseso na dae nakokompromiso an due process.
Ngonian na midbid na siya sa enterong pilipinas, pwedesir na magbago na an ibang kandidato sa saindang mga pigbubutasang taramon sa saindang mga political rallies partikulamente na sa Camarines provinces.
Pigtaram pa kaini nagtetenir na angat an sexism asin misogyny na maski nagtataas na an estado kan mga kababaihan sa sosyodad na nagin parte na kan kultura kan pilipinas.
Kun maatras si Sia sa saiyang kandidatura, mahihiling kan mga botante an delikadesa kaini na magpapagayon man sa saiyang pangaran urog na kun madalagan pa ini sa mga masunod na pirilian.
Kun si Arao an hahaputon, magayon na may masampolan na mga bastos na kandidato sa anti gender discrimination asin anti labeling na parehong resolusyon kan Comelec nganing dae na mautro pa an mga insidente nin pambabastos arug kan ginibo ni Sia.
