Na-ogma si Senadora Risa Hontiveros kay Presidente Ferdinand Marcos Jr makalihis na i-veto kan presidente an propwestong ley na naghahagad na magin naturalized Filipino citizen an Chinese national na si Li Duan Wang.
Segun kay Hontiveros, sa primero pa sana an nagpahayag na siya nin matinding pagtutol sa pagtatao nin naturalization kay Wang huli ta nakakahandal suboot an mga nadiskubre sa Chinese national.
Kabale sa ikinahahandal kan senadora an suboot na kapot na kadakol na taxpayer ID si Wang na may kinaaraman sa mga ilegal na operasyon kan POGO.
Naalarma man si Hontiveros sa koneksyon ni Wang sa Philippine Jinjiang Yu Shi Association, na pinagtutubudang may kinaaraman sa united front of the Communist Party of China.
Nagtutubod an mambabatas na an dae pag-apruba sa aplikasyon ni Wang para maging ganap na Filipino an sarong matatag na paninindugan para sa satuyang pambansang interes.
Pig-enganyar man kaini an gobyerno na ipagpadagos an pag-iimbestiga asin mahampang sa hustisya an iba pang mga abusadong personalidad sa POGO na nananamantala sa ley kan nacion nganing mabugtak sa alanganin an satuyang seguridad.
Magigirumdumang si Hontiveros sana an bumotong tutol na gawadan nin Filipino citizenship si Wang huli sa suboot pagkaka-imbwelto kaini sa sarong pigante asin POGO boss.
