Pinalawig kan Pag-IBIG Fund an benepisyo para sa mga miyembro kaini sa paagi kan pagtaas kan maximum cash loan limit hale 80% pasiring sa 90% kan saindang kabilugang regular savings.
Obheto kan nasabing lakdang na mas mapadali an pag-access kan mga miyembro sa kinakaipuhang pondo, urog na sa oras nin kagipitan.
Poon May 16, 2025, pwedesir nang mag-apply an mga miyembro para sa mas halangkaw na loan sa irarom kan Multi-Purpose Loan, Health and Education Loan Programs, asin Calamity Loan.
Kasabay kaini, ibinaba man an kinakaipuhang kontribusyon hale sa 24 bulan pasiring 12 bulan nganing magin kwalipikado sa loan application.
Nagdugang man an Pag-IBIG nin sarong taong repayment term, afuera sa presenteng 24 asin 36 na bulan, nganing mas magin flexible an pagbabayad susog sa kakayanan kan miyembro.
Sa ibong kan mga pagbabago, mantinidong abot-kaya an bulanang interest rate na 1.4583%.
