LEGAZPI CITY-Uminabot na sa rekord na ₱160.41 bilyon an kontribusyon kan mga miyembro kan Pag-IBIG Fund kan taong 2025, mas halangkaw ini nin 21% kumpara sa nakalihis na taon.
Pinangenotan an paglago kan koleksyon kan voluntary savings, orog na sa Modified Pag-IBIG II (MP2) Savings Program.
Huli sa dugang na ₱27.61 bilyon na nakolekta, mas napapakusog kaini an kakayahan na mag-alok nin hababang interes asin suportaran an Expanded Pambansang Pabahay Para sa Pilipino (4PH) Program.
Sa kabilugang koleksyon, ₱66.80 bilyon an hale sa mandatory contributions, mantang ₱93.60 bilyon o 58% an voluntary contributions.
Padagos man na nahilingan nin pagtitipid an mga miyembro para sa saindang mga futuro.
