LEGAZPI CITY—Posibleng dakula an magigin epekto an pagkakaarestar ki dating Presidente Rodrigo Duterte sa pagultangan kan lado ni Presidente Bongbong Marcos asin kan lado kan dating Presidente ngunyan na nagdadangadang na eleksyon.
Segun ki Department of Political Science Far Eastern University Faculty Member Professor Amr Solon-Sison, sa intrevista kan Bombo Radyo Legazpi, na siertong magkakaigwa nin dakulang epekto ini orog na kun hihilingon na igwa suboot na nangyayaring political competition sa pagultangan kan Mindanao, Visayas versus Luzon o Metro Manila.
Inihayag kaini na magkakaigwa suboot nin makusog na movement sa mga botante na magboto sa pro-Duterte candidates sa nagkapirang mga lugar kan Visayas asin Mindanao.
Mantang dae man maininigar na makusog man an grupo kan pro-Marcos partikularmente na sa nagkapirang lugar kan Luzon.
Alagad para ki Sison, kun gagamiton nin maray o toltol an nasambit na naratibo o impormasyon kan magkainibong na grupo, pwedesir nindang gibohon an isyu an pagkakaarestar ki Duterte bilang paagi nganing maasigurar o pakusugon an saindang kapangganahan sa papaabuton na eleksyon.
