LEGAZPI CITY- Kinuwestyon kan Kabataan Partylist Albay an pag-aprubar ni Presidente Rodrigo Duterte sa liwat na pagbalik kan Reserve Officers’ Training Corps (ROTC) sa gabos na Senior High School sa Pilipinas.
Sigon ki Angelica De Mesa, gagamiton man sana an nasambitan na programa ngani na pakusugon an depensa kan gobyerno kontra sa mga rebeldeng grupo.
Nagpapatotoo suboot digdi an haros sabay na pag-terminate ni Presidente Duterte sa peace talks sa CPP-NPA-NDF asin pag-pirma sa nasambitan na kasuguan.
Ineksplikar ni De Mesa na boot sabihon sana kan nasambitan na lakdang na pigpapa-ensayo an mga jovenes bilang panribay sa mga soldados na makikibakbakan kontra sa mga bandido.
Dakol man suboot an kaso nin hazing sa ROTC na padagos na pigpapahimutikan, kun sain sinabi pa ni De Mesa na pigigibo kaining manhid asin “war freak” an mga trainee ngani na dae na makamate nin kulog in kaso isabak na sa laban.
Pangapodan ngunyan kan grupo sa mga kaparehong jovenes na manindogan kontra sa mga suboot maanomalyang programa kan gobyerno.
