Nilinaw ni Philippine Coast Guard (PCG) spokesperson for the West Philippine Sea Commodore Jay Tarriela na dapat aprubado muna ni Presidente Ferdinand Marcos Jr an rekomendasyon kan National Maritime Council na i-anunsyo sa publiko an pagsasagibo nin regular na rotation asin resupply missions sa military outpost ka nacion na BRP Sierra Madre sa Ayungin shoal.
Kan nakalihis na aldaw, inirekomendar ini kan konseho na pinamamayuhan ni Executive Secretay Lucas Bersamin sa Presidente sa nagin pagp-oolay sa Palasyo kan Malacañang.
Basado ki Bersamin wara ining nahihiling nasala sa pag-anunsyo kan Rotation asin Resupply missions na magtetenir subot na routinary asin regular.
Isinagibo an pag-oolay makalihis na ipag-sugo ni Presidente Marcos Jr sa concerned Cabinet secretaries na diskutiron an panibagong insidente sa Ayungin shoal kun sain pitong personahes kan Philippine Navy kaibanan an sarong matinding lugadan na naputulan nin guramoy.
Mientras tanto, sinabi man ni Tariela na padagos na magtatabangan an Armed Forces of the Philippnes asin Philippine Coast Guard sa pagsasagibo nin resupply missions sa mga maabot na panahon.
Magtetenr suboot na ikokonsiderar an resupply operation bilang ordinaryo, lehitimo asin routine operation kan pwersa armada kan Pilipinas.
