Nagsunad si Senate Committee on Basic Education Chairman Senador Sherwin Gatchalian nin propwestong ley nganing bawasan nin sarong taon an pag-aadal kan mga estudyante sa kolehiyo.
Hale sa apat na taon, mawot ni Gatchalian na gibuhon na sana ining tulong taon.
Paliwanag kan senador na paglaog kan estudyante sa kolehiyo iyo an major subject na tulos an aadalan kaini mantang ibubugtal man sa Senior High School (SHS) an mga general subjects.
Dugang ni Gatchalian, an siring kaining sistema an ipigpapaotob na sa manlain-laing parte kan kinaban arug kan United Kingdom, Canada, asin Australia.
Obheto man suboot kan pagbabawas nin taon sa kolehiyo an nganing maiwasan an pag-uutro kan mga courses asin makapagpokus an mga estudyante sa saindang specialization.
Dapat man suboot na iprayoridad an pagtuturo kan mga soft skills sa mga estudyante sa Senior High School, kabale an critical thinking, communication, problem solving, socio-emotional skills, creativity, asin collaboration.
