Nagluluwas sa imbestigasyon kan kapulisan na utang an rason kun nata binihag kan sarong ama an saiyang duwang aking lalaki asin ginadan an saro sainda.
Nangyari an insidente sa Dasmariñas, Cavite makalihis na magribok an mag-ama na depressed huli sa utang.
Napag-araman na sarong babaeng boarder sa apartment na pigteteniran kan suspek asin an saiyang mga aki an pig-hostage man kaini.
Pakatapos kan negosasyon, napiritan na maglaog an mga pulis kan madangog an mga aki na naghihibi na garing pigsasaksak kan suspechado.
Kan magprobar na atakihon kan suspechado an mga pulis, binadil siya asin nagadan.
Tulos man na idinalagan sa ospital an mga aki alagad binawian man nin buhay an singko anyos mantang nakaligtas man an siete anyos na tugang kan nagadan.
Segun sa agom na babae, bago an nangyaring trahedya, nagkapirang aldaw nang dae nagkakan an saiyang agom asin dae nakaka-olay huli sa problema sa utang.
