Padagos an pag-agrangay kan mga poultry raisers huli sa paglangkaw kan saindang pagkalugi.
Segun ki United Broiler Raisers Association chairman emeritus Gregorio San Diego, na buminagsak sa P98 per kilo an farmgate price.
Sa ibong kaini, nagtetenir na halangkaw an retail cost na na nasa P230 kada kilo.
Dugang pa kan opisyal na harayo an nasabing kantidad kan farmgate price huli ta an production cost kan mga farmers an maabot sa P110 hasta P115 kada kilo.
Maski pa buminaba an farmgate price kan mga manok, wara sindang control sa mga retail price sa palengke.
Nangapudan man an grupo sa Department of Agriculture na maghiro na huli sa overpriced na retail cost kan mga manok.
