LEGAZPI CITY-Posible na magkaigwa nin pinagaantisiparang rematch an duwang boxing legend na sinda Manny Pacquiao asin Floyd Mayweather Jr. kasunod kan posibleng exhibition man kan Tyson-Mayweather match.
Segun kay Pacquiao na nasa negosasyon na ninda ini asin nakadepende man giraray sa saindang pakikipag-koodinar sa ibong na kampo.
Marurumduman na haloy nang pinagaantisiparan an rematch kan duwang boxing legend poon pa kan Mayo 2015 kun sain nanggana si Mayweather makalihis an 12 rounds sa paagi kan unanimous decision.
Sinabi pa ni Pacquiao na posibleng sa Las Vegas an lokasyon asin magigin tunay na laban ini, bako sana exhibition kun sain nasa pag-orolay na suboot sinda mapadapit sa iba pang mga detalye kan magigin laban.
Mientrastanto, wara pa man nin sinabi mapadapit sa iba pang impormasyon kan magigin petsa kan nasabing rematch.
