LEGAZPI CITY- Inasegurar kan Presidential Anti-Corruption Commission (PACC) an pagtutok sa haloy nang konstruksyon kan Bicol International Airport (BIA) sa banwaan kan Daraga, Albay.
Sa intrevista kan Bombo Radyo Legazpi ki PACC Commissioner Manuelito Luna, napag-araman na nagsagibo na nin ocular inspection an mga personahes kan komisyon tangarig na maaraman kun ano pa an kulang sa proyekto.
Dugang pa ni Luna na nakikipagkoordinar naman ki Transportation Secretary Arthur Tugade sa pagpapahidale kan konstruksyon kan erpuerto.
Piglalaoman na dakula man an magigin bentahe kan nasabing erpuerto en caso makapag-operar na sa lado kan turismo asin ganansya para sa ekomiya kan rehiyong Bicol.
Magigirumduman na taong pinunan an nasabing patrabaho kan early 2000 alagad makapirang beses na napendiente huli sa orolay sa budget asin nagkapirang insidente nin kariribukan na nairehistro.
