LEGAZPI CITY – Kinumpirmar kan Presidential Anti-Corruption Commission (PACC) an mga reklamo kontra sa hinaleng si Food and Drug Administration (FDA) Chief Nela Charade Puno sa isyu kan korapsyon.
Segun ki PACC Chairman Dante Jimenez sa ekslusibong intrevista kan Bombo Radyo Legazpi, nag-aagi sa komisyon an anumang reklamo na ipigsasairarom sa beripikasyon, validation mantang an iba an nasa ratification na.
Makalihis an mga nasabing lakdang, saka na irerekomenda ki Presidente Rodrigo Duterte para sa aksyon.
Inasegurar man ni Jimenez na bilang sarong advocate nin hustisya, maagi pa man sa “due process” an mga reklamo ki Puno.
Dugang pang dawa hinale na ini sa pwesto, dae man giraray makakalust sa kaso an opisyal. Na-appoint bilang FDA chief si Puno kan Agosto 2016 bilang pinakajoven na director general.
Nakasalbar man ini sa pagbalo kutang ambush kan Oktubre 2018 sa Lupi, Camarines Sur na nagresulta sa pagkagadan kan tulong pulis na nagsirbing security escort.
Afuera ki Puno, dakol pa suboot na nakalinyadang posible man na halion kan Presidente segun ki Jimenez alagad nagsayuma na munang magtao nin iba pang detalye.
