LEGAZPI CITY- Pinahimutikan kan Presidential Anti-Corruption Commission (PACC) an mga nagluluwas na impresyon na igwang kalalagyan an mga tawong nagsusuway ki Presidente Rodrigo Duterte asin sa First Family.
Katakod ini kan nangyaring paghale kan Malacañang ki Overall Deputy Ombudsman Melchor Arthur Carandang sa isyu kan graft and corruption asin betrayal of public trust na nag-ugat sa pagsasapubliko kaini kan detalye sa pigsasabing unexplained wealth ni Duterte asin pamilya.
Sa ekslusibong intrevista kan Bombo Radyo Legazpi ki PACC Commissioner Manuelito Luna, saro sa mga nagsunad kan complaint kontra ki Carandang kaibanan si Labor Undersecretary Jacinto Paras, nag-agi sa tamang proseso an paghale ki Carandang alagad nagsadiri sanang proseso an Ombudsman.
Ipigduon pa kaining absolutely confidential asin protected an subject matter sa irarom kan Bank Secrecy Law na ipighayag kaini sa alegasyon kan bank transactions records.
Magigirumduman na nagpuon an alegasyon kan suboot bilyon-bilyong ill-gotten wealth kan presidente sa pahayag ni Senator Antonio Trillanes IV.
Dugang pang tinawanan nin pagkakataon si Carandang na magsimbag sa mga asunto na magpapatotoo sana kan due process.
Naglalaom man ining ootobon ni bagong Ombudsman Samuel Martires kun ano an magkakanigong lakdang sa kaso ni Carandang.
