Maabot sa P9.87 bilyon na kantidad nin mais asin bagas an nasasayang kada taon sa Pilipinas huli sa kakulangan nin post harvest facilities.
Segun sa Department of Agriculture, nasa 342,000 metric tons nin bagas na nagkakantidad nin P7 bilyon an nalalapa asin dae na nadadara pa sa merkado huli ta wara nin pasilidad na mapagtatambakan kaini.
Bako sanang bagas, alagad maging an nasa 151,000 metric tons nin mais na nagkakantidad nin P2.87 billion an nasasayang man kada taon.
Huli digdi, target kan Department of Agriculture na magpatugdok nin bagong mga pasilidad na pwedeng mapagtambakan kan mga naaning produkto kan mga paraoma.
Nangangaipo man an nasyun nin nasa 64,000 kilometers nin farm-to-market roads ngani na maparikas an pagbabiyahe kan mga produktong pasiring sa mga merkado.
