LEGAZPI CITY- Pigbibisto kan grupo nin mga obrero an anunsyo kan Department of Labor and Employment na P85 wage increase sa National Capital Region.
Segun ki Trade Union Congress of the Philippines Spokesperson Carlos Miguel Oñate sa intrevista kan Bombo Radyo Legazpi, an nasabing kantidad an pinakahalangkaw sa historya kan wage increase sa nasabing rehiyon alagad nanindugan na bako ini makasaysayan.
Paliwanag kan opisyal na garing limos sana an nasabing kantidad huli ta binanga pa sa duwang tranches.
Makikinabang sana suboot kaini an nasa 1.1M minimum wage earners sa rehiyon asin bako an milyones pang mga obrero sa ibang mga rehiyon sa nacion.
Segun sa opisyal na harayo ini sa P200 na legislated wage increase na pigpapangapudan kan mga obrero sa nacion.
Dugang pa ni Oñate na dapat masabutan an reyalidad na an P200 an nakaon na kan inflation.
