LEGAZPI CITY—Pig-aasikaso na ngonian an sub-allotment release order (Sub-ARO) na nagkakantidad nin P75. 5 milyon para sa clearing operation, repair asin rehabilitation kan mga naapektarang eskwelahan kan bagyong Uwan sa provincia nin Albay.
Segun ki Schools Division Office Albay Disaster Risk Reduction and Management Coordinator Alvin Cuz, sa intrevista kan Bombo Radyo Legazpi, pighahalat ninda an pag-download kan Sub-ARO nganing magibohan ninda nin aksyon para sa pagsaayos asin rehabilitation kan mga classrooms sa provincia.
Alagad tinawan-doon kan opisyal na dae pa suboot kabale sa nasabing kantidad an para sa major repairs asin replacement para sa mga totally damaged classrooms.
Posible suboot na sa mga masunod na aldaw o semana an ibababa na sainda an nasabing pondo.
Mientrastanto, pig-asigurar man ni Cuz na presente nindang pig-aayos an gabos na reports asin datos na isinumiter kan mga eskwelahan sa provincia sa division office nganing ini an magin basehan sa pagsierto na an gabos na apektadong eskwelahan an matatawan nin tulos na intervention.
